Aste Santuen aurreko klasean bilatzaileak, eta bereziki Google bilatzaileak, nola funtzionatzen duen ikusi eta ikasi genuen.
Bilatzaileei buruz zera aipatu nuen, Internet automatikoki esploratu eta web orrien kodea datu-base batean bildu eta erabiltzaileen eskura jartzen duen sistema bat dela. Beraz, erabiltzaileak ez du uneko Interneten bilaketa egiten, indexatuta dituen orrietan baizik, nolabait esateko, bere datu-basean. Bilatzaileek horregatik egin ditzakete bilaketak hain azkar.
Iñigo, oraingoan zuri dagokizu bloga erantzutea:
- Bilaketa baten emaitzaren aurrean gaudenean, Google-ek URLaren azpiko lerroan maiz “katxean” jarri ohi du, zer esan nahi du? Zertarako erabiltzen da?
- Oro har esan daiteke Google-ek bi motatako bilaketak egiteko aukera eskaintzen duela: bilaketa sinpleak eta aurreratuak. Bilaketa sinpleak egiteko hainbat eragile edo formula ikusi genituen klasean. Horietatik 8 aukeratu, zuretzat erabilgarrienak direnak. Zure zortziko zerrenda osatzen dutenak zeintzuk diren esan, azaldu zergatik aukeratu dituzun, eta azkenik adibideak eman (klasean aipatutako adibiderik ezin da eman).
- Bilaketa aurreratuei dagokionez, zure ustez, zertarako izan daitezke erabilgarri? Nola egiten dira? Zeintzuk irizpide konbina daitezke? Adibide bat jarri.
- Google-ek bilaketetan filtroak jartzeko aukerarik eskaintzen du? (erantzuna baiezkoa bada) Zeintzuk eta zertarako dira filtroak?
Antza denez, Josu Azpillagak dioenez, Google-n ohiko erabiltzaileek bataz beste 4 hitzetako testuak bilatzen dituzte (adibidez, “mapa eibar plaza untzaga”), pentsatu nahi dut eskoletan bilaketa bat egoki planteatzen ikasi dugula.
Laburpenak datorren asterako
Datorren ostegunerako (Apirilaren 10) Cornella eta Aguillar-en artikuluen laburpenak ekarri behar dituzue. Laburpena denok egin behar duzue, apirilaren 3ko klasera etorri zinetenak (Iñigo izan ezik), baita etorri ez zinetenak ere. Artikulu bakoitzaren edukia gehienez 20 lerrotan laburbildu behar da.
Dena den norbaitek ezingo balu datorren asteko klasera etorri, nire helbide elektronikora igor dezala aipatutako artikuluen laburpena (PDF formatoan bidaltzen badidazue, orduan eta hobeto).
Norbaitek artikuluen fotokopiak ez balitu, lasai! Garanberrin jarri bainituen Aste Santua baino lehen.
Entries (RSS)
Apirila 9th, 2008 at 12:50 pm
Kaixo!
Pasa den ostegunean gaixo egon nintzan eta ezin izan nuen klasera jun. Orain izan dut lantxoaren berri eta zalantza bat daukat. Ganbaraberrin “martxo 6″ karpetan dauden bi testuak dira ezta? Artikulu batean Cornella egilea dela jartzen du, baina bigarrenean, ordea, ez du jartzen egilerik. Aguillar al da eleaniztasuna artikululko egilea?
Mil esker aldez aurretik
Apirila 9th, 2008 at 4:52 pm
Kaixo Gorka
Pozten naiz zure galderaz. Bloga horretarako ere badelako.
Artikuluak “martxo 13″ izeneko karpetan daude (”infoxikazioa.pdf” eta “TVE eta google.pdf”). Izenburu zehatzak hauek dira:
-Cornella: “Cómo sobrevivir a la infoxicación”
-Aguilar: “La difusión de los servicios de documentación escrita de TVE frente al avance de Google: problemas y soluciones” (portadari ez egin kasurik, portadak jardunaldi bati egiten dio erreferentzia).
Dena den artikuluon fotokopiak klasean banatu nituen martxoaren 6an.
Bihar arte.
Apirila 9th, 2008 at 11:52 pm
Tronpetak entzuten dira baina ez dakit nondik! Nor izango da ba? Iñigo Mendia, bai! Gaurkoan niri egokitu zait blogean idaztea. Aste Santuen aurreko klasean Google bilatzaileak nola funtzionatzen duen ikusi eta ikasi bagenuen, nik Google bilatzaileari buruz idatziko dut.
Googlek, Internet automatikoki esploratu eta web orrien kodea datu-base batean biltzen ditu, eta guk, erabiltzaileok, indexatuta dituen orrietan bilatzen dugu; horregatik egiten du hain azkar: bere datu basean bilatzen dugulako.
Bilaketa baten emaitzaren aurrean aurkitzen gara. URLaren azpiko lerroan “katxean” hitza jartzen du. Zer esan nahi du? Bilatzaileak, indexatu zuen uneko web orria gordeta duela eta ikusgai dugula. Katxearen aukera erabil dezakegu web orria desagertu edota aldatu bada bilatzaileak indexatu zuen garaiko web orria ikusteko.
Bilaketen inguruan, Googlek bi bilaketa mota eskaintzen ditu: sinpleak eta arreratuak.
Bilaketa sinpleen artean, hainbat boolear edo formula ikusi genituen klasean. Horietatik, gure ikasketetarako erabilgarrienak izango ditugunak aukeratu ditut:
1.- AND iñigo mendia = iñigo AND mendia (hitz gako guztiak dituzten web orrien bilaketa
2.- OR Ormaiztegi | zubia (erabilitako hitz gakoetako bat dituzten web orrien bilaketa)
3.- Inklusio esplizituak bat +2
4.- Ezezkoak txakurra –ertzaina
5.- Definizioak aurkitzeko DEFINE: el ultimo txakurra
6.- Web orri baten estekak bilatzeko link:www.blogak.com/alonsoegan
7.- URLarekin zerikusia duten lekuak related:www.blogak.com/alonsoegan
8.- Artxiboak bilatzeko txakurra filetype:pdf
Bilaketa aurreratuek ere gure bilaketa mugatzeko balio dute; baina nire ustez, boolearrak erabiltzearekin nahikoa da; formulen konbinaketarekin nahi dugun informazioa aurkituko dezakegulako. Bilaketa aurreratu bat egiteko, Googleren sarrera orrian bilaketa aurreratua sakatu eta eskaintzen dituen aukeretatik nahi dituzunak hautatu.
Guk nahi dugun emaitza aurkitzeko filtroak ere badira, baina kontzeptua argi ez dudanez, NORBAITEK AZALTZEN BADIT?
Apirila 10th, 2008 at 1:11 am
Kaixo!!
Oraintxe ohartu berri gara biharko egin behar diren lantxoetaz! iupi!
Egia esan, asko gara pasadan astean klasera joan ez ginenak Mendeberri proiektuarekin ibili ginela eta. Horregatik, klasekide batzuei galdetu genien zerbait egin behar al zen eta ez ziguten honen berririk eman.
Eta ez gaude oso ohituta Jazzbana-n sartzera ( badakit gure eginbeharra dela) eta orain bat-bateko ezustekoa hartu dugu!!
Hurrengoan eskertuko nuke, Orkestrako zuzendariak edota partaide batek emailez edo ahoz abisua emango baligu, bezperan horrelako sustorik ez hartzeko. Gure ikasketetan zerbait falta ezin bada KOMUNIKAZIOA da eta.
Beste barik, ekin lanari ta bihar arte.
Apirila 10th, 2008 at 9:02 am
Kaixo Iñigo
Katxeari buruz diozuna, zuzena da.
Bilaketa sinpleak egiteko adibideak eman dituzu, baina azalpenetan ez zara oso eskuzabala izan. Esate baterako, hirugarrenean diozuna (”Inklusio esplizituak bat +2″), adibidea ez zait argia iruditzen. Eta definizioak aurkitzeko eman duzun adibidea (”DEFINE: el ultimo txakurra”) probatu dut, eta ez zait ezer agertu.
Ez dakit gogoan izango duzun, baina bilaketa aurreratuen gainean beste gauza garrantzitsu bat esan nuen. Eta da: Google-n eragileak zeintzuk diren ahaztuz gero, bilaketa aurreratuetan posible dugula bilaketa berdina egitea. Adibidez txakurren gaineko dokumentazioa (PDF formatoan) bilatzen ari bagara, bi aukera ditugu:
1) Bilaketa arruntean honako hau jarri: txakurra filetype:pdf
2) Bilaketa aurreratuetan: “hitz hauek guztiak barne dituela” eremuan txakurra jartzea eta eta formatuan zehaztea Adobe Acrobat PDF.
Filtroak gauza konkretu baterako dira, klasean azaldu nuen, eta ez da dira “emaitzak aurkitzeko filtroak”, beste gauza baterako baizik. Hain zuzen ere, klasean filtroen azalpenera nola heldu aipatu eta erakutsi nuen. Irakurriko zenuke zuk zeuk eta azaldu?
Gero arte.
PS. Ane, ez nago batere ados.
Maiatza 9th, 2008 at 12:07 pm
Kaixo Karmele,
Asteazken arratsaldetik gaixorik nago etxean. Hortaz, atzo ezin izan nintzen klasera joan. Horregatik gustatuko litzaidake jakitea zer egin beharra dagoen datorren asterako.
Eskerri asko!
Leire
Maiatza 26th, 2008 at 9:17 am
Kaixo!
Badakizue Googlek bilatzaile “beltz” bat duela energia aurrezteko? Bai, hori komentatu zidaten, dirudienez Googlen erabiltzaile guztiek bertsio “beltza” erabili balute, 750 mega watt orduko aurreztu egingo ziren. Google-n bertsio modernoak Blackle du izena eta bertsio tradizionalak dituen funtzioak ditu.
Sar zaitezte, kuriosoa da, benetan dena beltz ikustea!
http://www.blackle.com/